ANTECEDENTES:
Ante a necesidade de prestar unha atención persoal e patrimonial especializada ás persoas maiores de idade, incapacitadas xudicialmente, e das que os Xuíces atribúen a súa tutela á Xunta de Galicia, no ano 1996 a través das Consellerías competentes en materia de servizos sociais, a Xunta de Galicia creou a Fundación Galega para a Tutela de Adultos (FUNGA).A Fundación foi clasificada como mixta por Orde da Consellería de Presidencia e Administración Pública do 19 de decembro de 1996 e adscrita o Protectorado de antedita Consellería. Foi declarada de interese galego por Orde da Consellería da Presidencia e Administración Pública do 10 de xaneiro de 1997 e inscrita no Rexistro de Fundacións de Interese Galego có número 1996/14. Por Orde do 21 de marzo de 2006 se modifica a clasificación da Fundación Galega para a Tutela de Adultos e se adscribe á Vicepresidencia da Igualdade e do Benestar da Xunta de Galicia como departamento competente para o exercicio das funcións de protectorado.
O 7 de xullo de 2006 o Padroado da Fundación, acordou a modificación dos Estatutos Fundacionais, có fin de adaptalos a nova Lei 12/2006 do 1 de decembro, de Fundacións de Interese Galego. Esta modificación foi aprobada polo Consello da Xunta, e foi elevada a documento público en data 22 de marzo de 2007.
A modificación, comprende o cambio de denominación – Fundación Galega para o Impulso da Autonomía Persoal e a Atención ás persoas en situación de Dependencia (FUNGA) - , ampliación dos fins e cambio na estructura dos órganos de goberno e directivos.
A FUNDACIÓN:
A “Fundación Galega para o Impulso da Autonomía Persoal e a Atención ás Persoas en Situación de Dependencia”, é unha entidade constituída pola Xunta de Galicia, de interese galego, sen ánimo de lucro, con personalidade xurídica propia que ten afectado de modo duradeiro o seu patrimonio á realización dos fins de interese xeral que se expoñen polo miúdo no artigo 7 dos seus Estatutos.Réxime xurídico.
A Fundación rexese :
• Polos seus Estatutos,
• polos Regulamentos que regulen a súa organización, funcionamento e ordenación das diferentes actividades,
• polas disposicións legais que lle sexan aplicables; en concreto:
• pola Lei do Parlamento de Galicia 12/2006, do 1 de decembro, de fundacións de interese galego,Así mesmo, tamén se rexerá:
• Decreto 248/1992 de 18 de xuño, polo que se aproba o Regulamento de Organización e Funcionamento do Protectorado das Fundacións de Interese Galego,
• a Lei 10/1996, do 5 de novembro, de Actuación de entes e empresas nas que ten participación maioritaria a Xunta de Galicia en materia de persoal e contratación,
• e pola normativa de Réxime Financeiro e Orzamentario de Galicia, ou no seu caso, as disposicións que as substitúan.
polas disposicións que lle sexan aplicables da Lei 50/2002, do 26 de decembro, de Fundacións e polas normas regulamentarias que a desenvolvan, polas disposicións da Lei 49/2002, do 23 de decembro, de réxime fiscal das entidades sen fins lucrativos e dos incentivos fiscais ao mecenado, e polas normas do Real Decreto 1270/2003, do 10 de outubro, polo que se aproba o Regulamento para a aplicación do réxime fiscal das entidade sen fins lucrativos e dos incentivos fiscais ao mecenado, así como polo resto das disposicións legais de dereito civil, mercantil, laboral ou administrativo que sexan de aplicación.
DOMICILIO
A FUNGA ubícase no Concello de Santiago de Compostela.A súa sede fundacional atópase no Edificio Administrativo San Caetano.
As oficinas do equipo técnico sitúanse de xeito provisional na Rúa Salgueiriños de Abaixo,15B - baixo en Santiago de Compostela.
